O poemario A tamas d'a bida ye filio d'o tiempo, tiempo debuxato én ricuerdos, silenzios e reflesions de l'autora, tiempo que crexe e se fan gran con ella. Manimenos, no mira d'aclamar-se á una suerte de tempus fugit, no ye un exerzizio de malinconía (u no solamén), sino que, luen de pensar que ye o gran omizida, como dizió Machado, o tiempo ye o taute.
E tamién a libertá d'a luenga e as palabras, o chuego como ferramienta d'a poesía, bersos que aduyan en a denunzia d'os tiempos que nos ha tocato de bibir.
ANA GIMÉNEZ BETRÁN ye naxita en Uesca e residén en Cuarte. Lizenziata en Filolochía Ispanica por a Unibersidá de Zaragoza, e profesora de secundaria en o LES Pirámide. A suya
carrera como narradora prenzipia con o relato curto Ixos tiempos güegatizos (2000), que obtiene o premio "Lo Grau". Ista endrezera se completa con Foratos (2007), ambientata en a uga con Franzia en 1872, Esquite (2011) e ADN (2013), Premio "Luis del Val". As suyas dos nobelas, Palestra (2005) y Entreautos (2013) son estatas reconoxitas respeutibamén con os premios "Chusé Coarasa" e "Ziudá de Balbastro". Ana ye una fantastica recreyadora de presonaches e mundos pasatos, e asinas lo contrimuestra con istas nobelas. Agora cambea de henero, e nos presenta iste poetnario, ganador d'o XVI Premio Ana Abarca de Bolea.
