Debaxo d'a chaminera, alredor d'o fogaril, s'asentaban todas as chens d'a casa en que se feba de noches: os agüelos, os amos, os tions, os zagals? Astí, mientras as mullers feban calzeta u filaban lana y as cheras acoraban a leña, os agüelos nos contaban cosetas, unas de chanzas, otras de beras.
Os lobos, os onsos, as rabosas y as culebras saliban á relozir todas as beiladas. Á os mozez se nos ne saliban os güellos ascuchando ixas charadas?
